UEFA-nın sabiq prezidenti Mişel Platininin evi qarət edilib.
Publika.az xəbər verir ki, RTL-nin məlumatına görə, “Yuventus”un və Fransa millisinin keçmiş yarımmüdafiəçisi cümə günü səhər saat 5:30-da Kasissadakı evində bağçada səs-küy eşitdikdən sonra oyanıb. Platini pəncərədən bayıra baxanda, üzündə maska olan qara geyimli adam onu görərək dərhal qaçıb.
Evə baxış keçirdikdən sonra Platini ayrı evdə saxlanılan kubok, və medalların əskik olduğunu aşkar edib. Mənbənin sözlərinə görə, iyirmiyə yaxın əşya oğurlanıb.
