Rusiya və Səudiyyə Ərəbistanı arasında birbaşa aviareyslərin 2025-ci ilin oktyabrında başlaması planlaşdırılır. Bu barədə Rusiya Xarici İşlər naziri Sergey Lavrov Səudiyyə Ərəbistanının xarici işlər naziri Feysəl bin Fərhan Al Saud ilə görüşdən sonra bildirib.
Bu barədə News24.az Tass-a istinadən xəbər verir.
Lavrovun sözlərinə görə, son bir ildə Səudiyyə Ərəbistandan Rusiyaya turist axını 6 dəfə artıb. Rusiyalı turistlər də getdikcə daha çox bu ölkəni seçirlər – 2024-cü ildə 36 min səfər qeydə alınıb.
Aviarota oktyabrın 15-dən 25-dək həftədə beş dəfə Riyad və Moskva arasında həyata keçiriləcək. Hazırda tərəflər vizasız gediş-gəliş barədə razılaşmanın yekunlaşdırılması üzərində çalışırlar.
Hazırda Rusiya və Səudiyyə Ərəbistanı arasında müntəzəm birbaşa uçuşlar mövcud deyil. Bu, Yaxın Şərqdəki qeyri-sabit vəziyyət və uçuş məhdudiyyətləri ilə əlaqələndirilirdi.
Xeyrənsə Piriyeva
