Apa.az saytından verilən məlumata görə, ain.az xəbər verir.
Avqustun 5-də ABŞ fond bazarlarında əsasən eniş müşahidə olunub.
"APA-Economics" S&P 500 indeksi 0,49% və ya 30,75 bənd azalaraq 6 299,19 bəndə enib. Nasdaq Composite 0,65% (137,03 bənd), Dow Jones isə 0,14% (61,90 bənd) geriləyib. NYSE Composite indeksi də 0,16% və ya 31,76 bənd azalıb. Yeganə müsbət dinamika Kanadanın S&P/TSX Composite indeksində müşahidə olunub – bu indeks 2,03% (549,65 bənd) artaraq 27 570,08 bənd təşkil edib.
Avropa fond bazarlarında əsas indekslər əsasən müsbət dinamikaya malik olub. Almaniyanın DAX indeksi 0,37% (88,38 bənd), Böyük Britaniyanın FTSE 100 indeksi 0,16% (14,43 bənd), İspaniyanın IBEX 35 indeksi isə 0,15% (21,40 bənd) artıb. Euro Stoxx 50 indeksi də 0,14% (7,27 bənd) yüksəlib. Yeganə azalma Fransanın CAC 40 indeksində müşahidə olunub – bu indeks 0,14% (10,97 bənd) azalıb.
İllik müqayisədə ən yüksək artım 38,22% ilə İspaniyanın IBEX 35 və 37,41% ilə Almaniyanın DAX indeksində qeydə alınıb. ABŞ bazarlarında isə Nasdaq Composite son 1 ildə 27,80% artım nümayiş etdirib.
Valyuta bazarında isə avronun dollara qarşı məzənnəsi 0,03% azalaraq 1,1579 səviyyəsinə düşüb. Bu, Avrozona üzrə inflyasiyanın zəifləməsi və Avropa Mərkəzi Bankının yumşaq monetar siyasəti davam etdirə biləcəyi ehtimalı ilə izah olunur.
Bazarlardakı dəyişkənliyə əsas səbəb kimi investorların FED-in növbəti faiz qərarına dair gözləntiləri və zəif iqtisadi göstəricilərlə bağlı ehtiyatlı mövqe tutmaları göstərilir. Xüsusilə texnologiya və sənaye səhmlərindəki satışlar indekslərə mənfi təsir edib.
Ən son xəbərləri və yenilikləri almaq üçün ain.az saytını izləyin.
