Peşə və ixtisas seçimi abituriyentin gələcək karyerasında və maddi rifahında mühüm rol oynayır. Müasir əmək bazarında bəzi sahələr xüsusilə yüksək gəlir və karyera imkanları ilə fərqlənir.
Abituriyentlər bakalvr üzrə hansı ixtisasları seçsələr, gələcəkdə daha yüksək gəlir əldə edə bilərlər?
Publika.az xəbər verir ki, AzEdu.az-a mövzu ilə bağlı təhsil eksperti Rizvan Fikrətoğlu danışıb.
O qeyd edib ki, yüksək gəlir təkcə seçilən ixtisasdan deyil, şəxsi bacarıqlardan, xarici dil biliyindən, praktiki təcrübədən və peşəkar sertifikatlardan da asılıdır.
"Azərbaycan əmək bazarında abituriyentlərin bakalavr səviyyəsində seçə biləcəyi bəzi ixtisaslar yüksək gəlir vəd edir. İT və proqramlaşdırma sahələrində maaş aralığı ölkəmizdə 1000-1500 AZN civarında dəyişir. Xarici şirkətlərdə isə bu sahədə gəlir 2000-10.000 AZN və daha çox ola bilər.
Maliyyə və audit sahələrində maaşlar 1200- 4500 AZN arasında dəyişir. Beynəlxalq sertifikatlara sahib olan mütəxəssislər isə daha yüksək gəlir əldə edə bilirlər.
Tibb sahəsində (həkim, stomatoloq, cərrah) xüsusilə özəl klinikalarda çalışanlar 2000 AZN və daha çox gəlir əldə edə bilərlər. Əgər şəxsin rezidentura təhsili varsa, bu daha yüksək gəlir deməkdir.
