Bu gün Bakı vaxtı ilə saat 22:00-da ABŞ Mərkəzi Bankı (FED) faiz qərarını açıqlayacaq.
Marja xəbər verir ki, analitiklər FED-in 0,25 faiz bəndi endirim elan edəcəyini gözləyirlər. Bu proqnoz reallaşarsa FED-in faizi (uçot dərəcəsi) 4,25% - 4,50% aralığından 4%- 4,25% aralığına düşəcəkdir. Bu, il ərzində ilk faiz azaldılması olacaq. Artıq bazarlar proqnozlaşdırılan 0,25 bəndlik faiz endirimini qiymətlərdə əks etdirsə də, diqqət əsasən Mərkəzi Bankın yenilənmiş iqtisadi proqnozlarına və sədr Cerom Pauellin açıqlamalarına yönəlib.
Fed fyuçersləri ilin sonuna qədər ümumilikdə faizlərin 0,75 bənd azaldılacağı ehtimalını qiymətləndirir. Lakin inflyasiya davamlı qalarsa, siyasətçilər daha ehtiyatlı qərarlar qəbul edə bilər.
Daha aşağı ABŞ faizləri Asiyaya kapital axınını stimullaşdırır və regional valyutalara təzyiqi azaldır.
