AZ
Mövzular
Dünya
17.09.2025 ◦ 13:24

BMT büdcəsini 500 milyon dollar azalda bilər

Ajans.az xəbər verir ki, bu barədə təşkilatın mətbuat xidməti məlumat yayıb.  Bildirilir ki, BMT-nin baş katibi Antonio Quterreş 2026-cı il üçün büdcə smetasına yenidən baxdıqdan sonra bu təkliflə çıxış edib. Resursların bölüşdürülməsinə baxılarkən, BMT Nizamnaməsinin üç sütunu: sülh və təhlükəsizlik, insan hüquqları və davamlı inkişaf arasında tarazlıq qorunub saxlanılıb, Quterreş üzv dövlətlərə ünvanladığı məktubda bildirib. O izah edib ki, ixtisarlar sülhməramlı missiyaya dəstək büdcəsinə təsir edəcək. Bundan əlavə, xərcləri azaltmaq üçün bəzi funksiyaların Nyu-York və Cenevrədən daha ucuz yerlərə köçürülməsi planlaşdırılır. Beynəlxalq təşkilat 2027-ci ilə qədər Nyu-Yorkda iki binanın icarəyə verilməsini dayandırmağı planlaşdırır.

Yekun büdcə qərarı 2025-ci ilin dekabrında veriləcək.

Seçilən
27
3
Ajans.az

6Mənbələr