Müəllif: Tamara Mustafayeva, Banco.az
BVF: Qlobal borcun ÜDM-ə nisbəti 235 faizdən çoxdur.
Banco.azxəbər verir ki, BVF mövzu ilə bağlı yayımladığı bloq yazısında qlobal borcun sabitləşsə də yüksək səviyyədə qalmağa davam etdiyini bildirib.
Yazıda vurğulanır ki, özəl sektor kreditlərində davam edən azalmanı hökumətlərin artan borclanması tarazlayıb. BVF-in Qlobal Borc Verilənlər Bazasının son yenilənməsinə görə, ötən il ümumi borc çox az dəyişərək dünya ÜDM-nin 235 faizindən yuxarı səviyyədə qalıb.
Məqalədə qeyd olunur ki, özəl borc ev təsərrüfatlarının öhdəliklərində azalma və maliyyə xarici korporativ borclardakı çox cüzi dəyişiklik nəticəsində ÜDM-in 143 faizindən aşağı düşərək 2015-dən bəri ən aşağı səviyyəyə enib. Dövlət borcu isə demək olar ki, 93 faizə yüksəlib.
ABŞ dolları ilə ümumi borcun cüzi artımla 251 trilyon dollara çatdığı, dövlət borcunun isə 99,2 trilyon dollara yüksəldiyi qeyd olunub.
Həmçinin vurğulanır ki, ABŞ və Çin hələ də qlobal borc dinamikalarının formalaşmasında üstün rol oynayır. Lakin həm inkişaf etmiş, həm də inkişaf etməkdə olan ölkələrdə borc və büdcə kəsiri səviyyələrinin tarixi standartlarla müqayisədə yüksək və narahatedici olduğu ifadə edilir.
Bizi sosial şəbəkələrdən izləyin!!
