ABŞ Prezidenti Donald Tramp Mark Savayanı İraqa xüsusi nümayəndə olaraq təyin etdiyini açıqlayıb.
"Cebheinfo.az" xəbər verir ki, Prezident Tramp, sosial media hesabında verdiyi açıqlamada Mark Savayanın İraq üzrə xüsusi nümayəndə vəzifəsinə gətirildiyini bildirib.
Tramp paylaşımında belə deyib: “Markın İraq-ABŞ münasibətləri sahəsindəki dərin biliyi və bölgədəki əlaqələri Amerika xalqının maraqlarının irəliləməsinə kömək edəcək”.
Tramp, həmçinin qeyd edib ki, Savaya Miçiqan ştatında prezident seçki kampaniyasında iştirak edib və Amerika müsəlmanlarından səs toplanmasına yardımçı olub.
