Naxçıvanda baş verən qəzada 11 yaşlı uşaq xəsarət alıb.
APA-nın yerli bürosu xəbər verir ki, hadisə Əziz Əliyev küçəsində baş verib.
99-RS-198 dövlət nömrə nişanlı “Megan” markalı avtomobillə 90-BN-828 dövlət nömrə nişanlı “Hyundai” markalı avtomobilin toqquşması nəticəsində bir azyaşlı xəsarət alıb.
Xəsarət alan Naxçıvan şəhər sakini, 2014-cü il təvəllüdlü Ramazanlı Xəyal Məhəmməd oğlu Naxçıvan Muxtar Respublika Xəstəxanasına yerləşdirilib.
Hadisə yerinə polis əməkdaşları cəlb olunub, faktla bağlı araşdırma aparılır.
"Cebheinfo.az"
