Türkiyənin İzmir şəhərində “9 Sentyabr” Media Mərkəzi fəaliyyətə başladıİzmir jurnalistləri üçün nəzərdə tutulan yeni görüş və əməkdaşlıq məkanı – “9 Sentyabr” Media Mərkəzi artıq fəaliyyət göstərir İlk xidmət günündə mərkəz, İzmir Jurnalistlər 
Cəmiyyətinin sədr müavini Mehlica Gökmən, baş katib Rəşad Yörüq və idarə heyətinin üzvləri Esat Erçetingöz, Metin Aydın və Erhan Taşdemirin ev sahibliyində media nümayəndələrinin iştirakı ilə açıq elan olunub.Peşəkar İnteqrasiya və Sosial HəmrəylikYeni mərkəz həm aktiv jurnalistlər, həm də təqaüddə olan media nümayəndələri üçün nəzərdə tutulub. Məkan onlara peşəkar təcrübə paylaşımı, sosiallaşma və birgə təşəbbüslər üçün imkanlar yaradır. Burada iştirakçılar bir araya gələrək yerli mətbuatla bağlı yenilikləri izləyə, ictimai müzakirələrə qoşula və sektorun inkişafı üçün fikir mübadiləsi apara biləcəklər.
İzmir Jurnalistlər Cəmiyyətinin sədri Dilek Qappi, yeni mərkəzin həmkarlar arasında birliyi möhkəmləndirəcəyini bildirib. O, yerli idarəetmənin, xüsusilə İzmir Böyükşəhər Bələdiyyəsinin bu təşəbbüsə dəstəyini yüksək qiymətləndirib.Mərkəz gələcəkdə müxtəlif tədbirlərə, seminar və təlimlərə ev sahibliyi etməklə media sahəsində dinamik bir platforma olmağı hədəfləyir.Əgər siz də “9 Sentyabr” Media Mərkəzinin fəaliyyətində iştirak etmək, üzv olmaq və təşkil olunan tədbirlərdən yararlanmaq istəyirsinizsə, bizimlə əlaqə saxlaya bilərsiniz: [email protected]. Birlikdə daha güclü, daha təsirli media mühiti quraq!Ulusum.az / R.Daşdəmirova
Diqqət Çəkənlər
Putin Tokayevi çay içməyə dəvət etdi
Türkiyənin C-130 hərbi təyyarəsi qəzaya uğradı
Lahmacun
