ain.az, Baku.ws portalına istinadən məlumatı açıqlayır.
Almaniyanın Frankfurt Əyalət Ali Məhkəməsi estetik əməliyyatlardan əvvəl və sonra çəkilən fotoların sosial şəbəkələrdə paylaşılmasını qadağan edib. Məhkəmənin qərarına əsasən, bu cür paylaşımlar "haqsız rəqabət" kimi qiymətləndirilir.
BAKU.WS xəbər verir ki, "The Guardian" və yerli media orqanlarının məlumatına görə, qərar burun əməliyyatı edən bir plastik cərrahın pasiyentinin dəyişiklik fotolarını sosial mediada paylaşması ilə bağlı başlanmış məhkəmə işi əsasında qəbul edilib.
Hakimlər qeyd ediblər ki, Almaniyanın Tibbi Reklam Qanununa görə, əməliyyatdan əvvəl və sonra bədən görünüşünü müqayisəli şəkildə təqdim edən paylaşımlar reklam məqsədilə istifadə oluna bilməz.
Qərarda vurğulanıb ki, bu cür paylaşımlar insanları tibbi zərurət olmadan riskli estetik əməliyyatlara meylləndirə bilər və yanlış gözləntilər yaradır.
Məhkəmənin açıqlamasına görə, qadağa sağlamlıq riski daşıyan, tibbi cəhətdən əsaslandırılmamış estetik müdaxilələrə qarşı insanları qorumaq məqsədi daşıyır.
Qərara qarşı apeliyasiya (temyiz) müraciəti etmək hüququnun açıq olduğu da bildirilib.
Daha ətraflı məlumat və yeniliklər üçün ain.az saytını izləyin.
