Azertag saytından verilən məlumata əsasən, ain.az məlumatı açıqlayır.
Kiyev, 14 noyabr, AZƏRTAC
Rusiya ordusu noyabrın 14-ə keçən gecədən başlayaraq Ukraynanın paytaxtı Kiyevə növbəti dəfə hava hücumu edib.
AZƏRTAC-ın xüsusi müxbirinin verdiyi məlumata görə, gecə saatlarında hava hücumundan müdafiə sistemi işə düşüb, partlayış səsləri eşidilib.
Hava hücumu zamanı müxtəlif tipli, o cümlədən ballistik raketlərdən, zərbə dronlarından istifadə edilib.
Zərərsizləşdirilən dronlar və raketlər Kiyevin bəzi yaşayış binalarında yanğına səbəb olub.
Kiyev şəhər meri Vitali Kliçko “Teleqram” səhifəsində yazıb ki, hava hücumu nəticəsində ilkin məlumata görə, Podol, Şevçenko, Dneprovsk, Desnyansk rayonlarının çoxmərtəbəli binalarında dağıntılar qeydə alınıb. Mülki insanlar arasında xəsarət alanlar var.
Hazırda da Kiyevə çoxkombinasiyalı hava hücumu davam edir.
Emil Hüseynli
AZƏRTAC-ın xüsusi müxbiri
Kiyev
Hadisənin gedişatını izləmək üçün ain.az saytında ən son yeniliklərə baxın.
