ain.az bildirir, Qafqazinfo saytına əsaslanaraq.
Fransa millisinin və “Real Madrid”in hücumçusu Kilian Mbappe karyerasında 400 qola çatan ən gənc futbolçu kimi futbol tarixinə düşüb.
“Qafqazinfo” xəbər verir ki, bu nailiyyətə Peledən sonra çatan ilk oyunçu da məhz Mbappe olub.
26 yaşlı hücumçu Fransanın Ukrayna üzərində 4:0 hesablı qələbəsində dubl edərək, komandasına 2026-cı il dünya çempionatına vəsiqə qazandırıb. Mbappenin ikinci qolu onun karyerasındakı 400-cü qol kimi qeydə alınıb.
Beləliklə, 21-ci əsrdə heç bir futbolçu bu rekorda Mbappedən daha tez çatmayıb. Futbol tarixində 26 yaşına çatmamış 400 qol vuran yeganə oyunçu isə braziliyalı əfsanə Pele olub — o, bu rəqəmə 23 yaşında yetişmişdi.
Mbappe ilə Pele arasında müqayisələr 2018-ci ildə fransalı forvardın dünya çempionatının finalında qol vuran tarixdə ikinci yeniyetmə olması ilə daha da güclənmişdi. Bu uğuru ilk dəfə 1958-ci il DÇ-nin finalında Pele əldə etmişdi.
Mbappenin 400-cü qola çatmasına 2025/2026 mövsümündəki start da təsir edib. O, klub və milli komanda olmaqla, 20 oyunda 23 qol vurub.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
