Avropanın səkkiz ölkəsi Avropada hərbi mobilliyi təmin etmək məqsədilə niyyət protokolunu imzalayıb.
BAKU.WS xəbər verir ki, bu barədə Litva Müdafiə Nazirliyinin mətbuat xidməti məlumat verib.
Qeyd olunur ki, sənədi Belçika, Çexiya, Almaniya, Lüksemburq, Niderland, Polşa və Slovakiya, həmçinin Litvanın nümayəndələri imzalayıblar.
Mətbuat açıqlamasında bildirilir ki, Mərkəzi-Şimali Avropa hərbi mobillik regionunun (CŞAHM) yaradılması dövlət sərhədlərinin keçilməsi qaydalarını standartlaşdırmağa, nəqliyyat vasitələrinin birgə nəzarətini və koordinasiyasını təmin etməyə, məlumat mübadiləsini effektiv qurmağa, infrastruktur inkişafını sinxronlaşdırmağa və bütün səkkiz ölkə arasında qarşılıqlı əlaqəni gücləndirməyə kömək etməlidir.
Bundan əlavə, Litva müdafiə naziri Robertas Kaunas səmərəli hərbi mobilliyi respublikanın milli prioriteti adlandırıb. Onun sözlərinə görə, NATO-nun şərq sərhədlərində, xüsusilə Polşa və Latviya ilə sıx əməkdaşlıq şəraitində infrastruktur qarşılıqlı fəaliyyətini gücləndirmək vacibdir.
