Rusiya Prezidentinin mətbuat katibi Dmitri Peskov jurnalistlərin Ukrayna neonasistləri üçün tribunalın yaradılması ehtimalı ilə bağlı suallarını cavablandırarkən bildirib ki, ittiham aktlarının vaxtı “xüsusi hərbi əməliyyat” başa çatdıqdan sonra başlayacaq: “İttiham aktlarının və hökmlərin vaxtı “xüsusi əməliyyat” başa çatdıqdan sonra başlayacaq”.
Bir müddət əvvəl Rusiya Prezidenti Vladimir Putin nasist cinayətlərinin heç bir müddətinin olmadığını vurğulamışdı. Xarici Kəşfiyyat Xidmətinin direktoru Sergey Narışkin neonasizm təhlükəsinin bu gün də aktual olduğunu qeyd edib. O, Ukraynada və bəzi Avropa ölkələrində nasizmin “təhlükəli metastazları”nın mövcud olduğunu vurğulayıb.
Rusiya Müdafiə Nazirliyi həmçinin bir neçə ölkənin Nürnberq məhkəmələrinin nəticələrini yenidən nəzərdən keçirmək cəhdləri barədə məlumat verib.
//Samir Qurbanov, Editor.az
