Xroniki iltihabın azalması yaşla bağlı makulyar degenerasiyanın (AMD) inkişafını əhəmiyyətli dərəcədə ləngidə bilər - bu, 65 yaşdan yuxarı şəxslərdə görmə itkisinə səbəb olan əsas amildir.
Redaktor.az xəbər verir ki, bu nəticəyə Minnesota Universitetinin Tibb Məktəbinin tədqiqatçıları gəlib və işlərinin nəticələrini Cell Death & Disease (CD&D) jurnalında dərc ediblər.
Alimlər göstəriblər ki, iltihab kaskadının əsas mərhələlərinin aradan qaldırılması patologiyanın ilkin əlamətlərinin qarşısını alır. Bunlara retinanın altına immun hüceyrələrin daxil olması və subretinal depozitlərin formalaşması daxildir.
Müəlliflər bildirirlər ki, mövcud müalicə üsullarının əksəriyyəti AMD-nin gec mərhələlərinə yönəlib, bu zaman əhəmiyyətli hüceyrə itkisi artıq baş verib. Onların yanaşması isə xəstəliyin başlanğıc mərhələsində profilaktika və müdaxiləyə əsaslanır ki, bu da görməni qorumaq və xəstəliyin ağır, geri dönüşü olmayan formaya keçməsinin qarşısını almaq üçün daha yaxşı şans yaradır.
Aytəkin TOFİQQIZI
