BAKI, 25 noyabr. TELEQRAF
İtaliyanın Venesiya şəhəri iqlim fəalı Qreta Tunberqin girişinə qısa müddətli qadağa tətbiq edib.
Teleqraf xəbər verir ki, bu barədə "The Telegraph" yazır.
22 yaşlı isveçli aktivist həftəsonu keçirilən etiraz aksiyalarında iştirak etdiyinə görə 150 avro cərimələnib və şəhərə 48 saat ərzində daxil olmasına icazə verilməyib.
Məlumata görə, qadağa yalnız Tunberqə deyil, aksiya iştirakçısı olan daha 35 nəfərə də şamil olunub.
Nəşr bildirir ki, oxşar etirazlar İtaliyanın on müxtəlif şəhərində baş tutub. Aktivistlər Genuya və Paduada fəvvarələrə rəngli maddə töküblər, həmçinin Turin şəhərində Po çayına, Bolonyada Reno çayına və Tarantoda Tara çayına boyaq maddəsi axıdıblar.
