Hamburq Məhkəməsi radikal ekoloji hərəkat Letzte Generation (Son Nəsil) üzvlərinə Lufthansa şirkətinə 400.000 avrodan çox təzminat ödəməklə bağlı qərar çıxarıb.
"Ölkə.az" xəbər verir ki, 13 iyul 2023-cü ildə on fəal Hamburq Hava Limanına daxil olaraq onun fəaliyyətinin müvəqqəti olaraq dayandırmasına səbəb olub. Həmin gün Lufthansa 57 reysi ləğv edib və ən azı 8500 sərnişin səyahət planlarını dəyişdirməyə məcbur olub.
Ümumi kompensasiya məbləği 403.138 avrodur. Fəalları ödəniş etməyəcəyi təqdirdə iki ilə qədər həbs cəzası ilə üzləşə bilər. Onlar həmçinin təxminən 700.000 avro məbləğində məhkəmə xərclərini ödəməli olacaqlar.
Bild qeyd edir ki, Almaniyada məhkəmənin ekoloji fəallara bu qədər böyük kompensasiya ödəməklə bağlı qərarı ilk haldır. Əvvəllər bu cür hərəkətlər kiçik cərimələr ilə məhdudlaşırdı. Hamburq məhkəməsinin qərarı hərəkata qarşı yeni məhkəmə iddialarına səbəb ola bilər.
Elvin
Ölkə.az
