BAKI, 26 noyabr. TELEQRAF
Ukrayna Hərbi Hava Qüvvələri Rusiyanın Çeboksarı şəhərində (Çuvaşıstan) qanadlı və ballistik raketlər üçün komplektlər istehsal edən zavoda zərbə endirib.
Teleqraf xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Müəssisənin ərazisinə dəqiq zərbənin endirildiyi və obyektin ərazisində yanğının baş verdiyi bildirilib.
Baş Qərargah vurğulayıb ki, bu Rusiya zavodu peyk sistemləri üçün də qəbuledicilər və antenalar istehsal edir.
