futbolpress-az saytından verilən məlumata əsasən, ain.az məlumatı açıqlayır.
Premyer Liqada liderliyini davam etdirən, Çempionlar Liqasında 5 tura 7 xal toplayan “Qarabağ”da bu mövsüm önə çıxan adlardan biri qapıçı Mateuş Koxalskidir.
2024-cü ilin yayında Polşanın “Stal Mielets” klubundan 900 min avro qarşılığında heyətə cəlb edilən qolkiper ümidləri doğrultmaqdadır. Komanda gəlişindən sonra rəqabətdə Şahruddin Məhəmmədəliyev və Fabian Buntiçi üstələyən Koxalski son görüşlərdə penalti seyvləri ilə diqqət çəkir.
25 yaşlı “əlcək sahibi” qapısına təyin edilən son üç penaltini də dəf edib. Koxalski Premyer Liqada “İmişli”, “Sumqayıt”, Çempionlar Liqasında isə “Napoli” ilə matçda “11 metrə”də üstün tərəf olub. Maraqlıdır ki, polşalı kiper hər üç penaltidə də sola tullanıb və zərbələri dəf edib.
Futbolda “qapıçı komandanın yarısıdır” deyə ifadə var. Koxalski bu sözlərin haqqını verən qolkiperlərdəndir…
Koxalskinin dəf etdiyi son üç penalti.
Şahin Cəfərov
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
