Polşanın müdafiə naziri Vladislav Kosiniak-Kamış mətbuata Polşanın hərbi obyektlərində ABŞ ordusu kontingentinin mümkün genişləndirilməsinə hazırlıq barədə məlumat verib. Hazırda Polşada təxminən 10 000 ABŞ əsgəri yerləşdirilib.
“Biz Polşa obyektlərini daha çox amerikalı hərbçinin yerləşdirilməsi üçün uyğunlaşdırırıq. Müvafiq əmr Müdafiə Nazirliyinin Dəstək Müfəttişliyinə verilib. Onun vəzifəsi Amerika qüvvələrinin artan mövcudluğuna hazırlığı təmin etməkdir”, – Kosiniyak-Kamış qeyd edib.
O, həmçinin Polşada, Redzikovoda (Pomeraniya Voyevodalığı) raket əleyhinə müdafiə sistemi ilə təchiz edilmiş daimi Amerika bazasının mövcudluğunu vurğulayıb.
“Polşada Amerika qoşunlarının mövcudluğu təqribən 10 min nəfərdir. Bundan əlavə, Redzikovoda raketdən müdafiə sisteminə malik daimi Amerika bazası var ki, bu da Amerikanın ölkəmizdə uzun müddət mövcudluğunu təmsil edir”, – nazir bildirib. Kosiniak-Kamış onu da qeyd edib ki, bir amerikalı hərbçinin saxlanması Polşa büdcəsinə ildə 15 min dollara başa gəlir.
Yeganə
