Musavat.com xəbər verir ki, Çeçenistanın paytaxtı Qroznıda hərbi obyektlərə pilotsuz uçuş aparatları ilə hücum edildiyi barədə məlumatlar yayılıb. Yerli mənbələrin bildirdiyinə görə, zərbələr əsasən Rosqvardiyanın “Axmat-Sever” bölməsinin yerləşdiyi Baysanqurov rayonu istiqamətində qeydə alınıb.
Məlumata əsasən, dron hücumları həmçinin Borze kəndindəki 65384 saylı hərbi hissənin – Rusiyanın 291-ci qvardiya motoatıcı polkunun ərazisində də müşahidə olunub. Hər iki hücum nöqtəsinin Ukrayna cəbhəsindən təxminən 870 kilometr uzaqlıqda yerləşməsi diqqət çəkir. Bu, istifadə olunan PUA-ların uçuş məsafəsinin kifayət qədər böyük olduğunu göstərir.
Musavat.com xəbər verir ki, rəsmi qurumlar hazırkı mərhələdə xəsarət alanlar və dağıntıların miqyası barədə hər hansı açıqlama verməyib. Çeçenistan rəhbərliyi hücum faktını təsdiqləməkdən çəkinir.
Bununla belə, hadisənin ertəsi günü – 27 noyabr səhəri Qroznı Beynəlxalq Hava Limanının fəaliyyətində təxminən beş saatlıq məhdudiyyətlər tətbiq olunması əlavə suallar doğurub.
Musavat.com
