ain.az, Avtosfer portalından verilən məlumatlara əsaslanaraq xəbər verir.
Qəza əleyhinə kursların məşqçisi Aqil Rəhimov Parlament prospekti istiqamətində – 20 nömrəli məktəbin və əvvəlki Əzizbəyov heykəlinin yaxınlığında yerləşən yolayrıcında sürücülərin tez-tez yol verdiyi ciddi xətaya diqqət çəkib.
Avtosfer.az xəbər verir ki, mütəxəssisin sözlərinə görə, həmin ərazidə ard-arda iki svetofor var. Sürücülərin əksəriyyəti birinci svetoforun yaşıl işığında hərəkət edərkən, bir az irəlidə yerləşən ikinci svetaforu nəzərdən qaçırırlar. İkinci svetofor stop xəttindən uzaqda olduğuna və sağ tərəfdə əlavə svetofor qurğusu olmadığına görə bəzi sürücülər qırmızı işıq yanmasına baxmayaraq, dayanmadan hərəkəti davam etdirirlər.
Aqil Rəhimov bildirir ki, qaydalara əsasən, yol nişanları birinci növbədə sağda yerləşməlidir. Lakin svetoforların mövqeyi ilə bağlı qanun daha geniş imkan verir ki, onlar sağda, solda və ya yuxarıda quraşdırıla bilər, hətta sağ tərəfdə olmaya da bilər. Bu səbəbdən ikinci svetoforun sağda olmaması qayda pozuntusunu aradan qaldırmır.
Məşqçi qeyd edib ki, sürücülər stop xəttini keçərək qırmızı işıqda hərəkət etdikdə 100 manat cərimə olunur. O, həmin yolayrıcında xüsusilə diqqətli olmağı tövsiyə edib və sürücüləri cərimələrdən yayınmaq üçün hər iki svetofora diqqət yetirməyə çağırıb.
Eltac Zülfüqaroğlu
Ən son xəbərləri və yenilikləri almaq üçün ain.az saytını izləyin.
