Misli Premyer Liqasının XIII turunda növbəti oyunlar keçirilib.
AZƏRTAC xəbər verir ki, ilk olaraq meydana “İmişli” və “Sabah” komandaları çıxıb.
Quba Olimpiya İdman Kompleksinin stadionunda təşkil edilən görüş Bakı klubunun 2:0 hesablı qələbəsi ilə yekunlaşıb.
Günün ikinci matçında isə “Qarabağ” komandası “Karvan-Yevlax”ı qəbul edib. Qarşılaşma Ağdam təmsilçisinin 2:0 hesablı üstünlüyü ilə başa çatıb.
Qeyd edək ki, turun əvvəlki oyunlarında “Zirə” komandası “Kəpəz”i 2:0 hesabı ilə üstələyib. “Turan-Tovuz” – “Neftçi” görüşündə isə qalib müəyyənləşməyib. Tura noyabrın 30-da yekun vurulacaq.
