Ermənistanın iqtisadiyyat naziri Gevork Papoyan İstanbulda Türkiyənin kənd təsərrüfatı və meşə təsərrüfatı naziri İbrahim Yumaklı ilə görüşüb.
Bizim.Media xəbər verir ki, bu barədə Ermənistan mətbuatı məlumat yayıb. Məlumata görə, tərəflər birbaşa təmasların vacibliyini vurğulayıb, dialoqu davam etdirməyə hazır olduqlarını söyləyiblər.
Söhbət zamanı Qars-Gümrü dəmir yolunun bərpası imkanları və TRIPP layihəsinin hər iki ölkə üçün açacağı yeni iqtisadi, logistik və ticarət imkanları da müzakirə olunub.
Tərəflər həmçinin enerji bazarının şaxələndirilməsi imkanları, yeni marşrutların inkişafı, qarşılıqlı iqtisadi maraqların genişləndirilməsi məsələlərini müzakirə ediblər.
Bizim.Media
