Qətərin danışıqlar qrupu İranla razılaşmanı müzakirə etmək üçün Tehrana gedib.
Bu barədə “Reuters” məlumat yayıb.
Məlumata görə, Qətərin danışıqlar qrupu İranla müharibəyə son qoymaq və həll olunmamış məsələləri həll etmək üçün razılaşma əldə etməyə kömək etmək məqsədilə ABŞ ilə koordinasiyalı şəkildə bu gün Tehrana gedib.
Mənbə bildirib ki, Qətər danışıqlar qrupu Tehranda ABŞ-İran arasında müharibəyə son qoymaq üçün razılaşmanın əldə edilməsinə kömək edəcək.
Qeyd edək ki, Qətər son müharibə zamanı İran raketləri və dronlarının hücumlarına məruz qalıb. Qətər Qəzza üzrə danışıqlarda da vasitəçilik edib.
