Qəhvəni sevən insanların əksəriyyəti üçün isti hava sevimli içkini tərk etmək üçün səbəb deyil. Lakin “Verywell Health” nəşrinin yazdığına görə, qəhvə – hətta soyuq halda da – orqanizmi kifayət qədər nəmləndirməyə bilər və nəticədə susuzlaşma riski yarana bilər...
Poliqon xəbər verir ki, belə bir təhlükə yalnız maye itkisini kompensasiya etmədən həddindən artıq qəhvə qəbulunda meydana çıxır.
"İsti havada belə, qəhvənin mülayim miqdarda qəbulu, gün ərzində ümumi maye qəbulunun bir hissəsi olduğu təqdirdə, susuzluğa səbəb olmur", deyə fiziki fəaliyyət, dietologiya və epidemiologiya üzrə professor Rob van Dam bildirib.
İsti günlərdə qəhvə içməyin əsas problemi onun kofein tərkibidir. Kofein isə böyrəkləri daha çox su ifraz etməyə vadar edən yüngül sidikqovucu vasitədir.
Lakin araşdırmalar göstərir ki, sağlam böyüklərdə qəhvənin mülayim istifadəsi susuzlaşmaya gətirib çıxarmır, çünki içkinin tərkibindəki su miqdarı kofeinin bu təsirini kompensasiya edir.
Van Dam əlavə edib ki, kofeinin sidikqovucu təsiri daha çox bu maddəyə öyrəşməmiş insanlarda müşahidə olunur. Qəhvəni hər gün qəbul edən insanlarda isə zamanla böyrəklərə təsiri azalan tolerantlıq yaranır.
Məhz buna görə də, kofeini mütəmadi qəbul etməyən insanlara isti havada qəhvə və enerji içkilərindən uzaq durmaq tövsiyə edilir. Van Dam həmçinin vurğulayıb ki, isti qəhvə bədən temperaturunu artıra və maye itkisini çoxalda bilər, lakin bu da susuzlaşmaya səbəb olacaq qədər güclü təsir yaratmır.
Poliqon.info
