Cəlilabad rayonunda yerləşən meşədə ağacların qanunsuz olaraq kəsilməsi iddia olunur. Avtosfer.az xəbər verir ki, bu barədə Oxu.az-a rayon sakinləri məlumat veriblər. Onların sözlərinə görə, rayonun Axtaxana kəndi yaxınlığında yerləşən meşə ərazisində ağaclar kütləvi şəkildə kəsilərək, satılır. Həmçinin sakinlər bildiriblər ki, sözügedən ərazi Göytəpə meşəbəyiliyinin 9 saylı dolayında yerləşir. Qeyd edək ki, əvvəlki illərdə də mətbuatda Cəlilabad meşələrində ağacların qanunsuz olaraq kəsilməsi haqqında məlumatlar paylaşılıb.
