İranın cənub -qərbində yerləşən Əhvaz şəhərində yaşayış binasında baş verən qaz partlayışı nəticəsində 6 nəfər ölüb. SİA xəbər verir ki, bu barədə İranın dövlət televiziyası məlumat yayıb.
“Bu gün səhər saatlarında Əhvaz şəhərinin Pərdis rayonunda dördmənzilli yaşayış binasında qazın partlaması nəticəsində 6 nəfər həlak olub”, - deyə məlumatda bildirilir. Dövlət televiziya və radio şirkətinin məlumatına görə, partlayış nəticəsində bina tamamilə dağılıb.
