ain.az, Redaktor.az portalına istinadən məlumat verir.
Elektron siqaretdən imtina etmək mümkündür, lakin bunun üçün əvvəlcədən hazırlaşmaq lazımdır: cihaz və mayeləri kənarlaşdırmaq, həmçinin əlləri və beyni məşğul edəcək fəaliyyətləri düşünmək. Nikotinsiz ilk həftələr bəzi insanlar üçün o qədər çətin keçir ki, bu halda mütəxəssisə müraciət etmək daha doğru olar.
Redaktor.az xəbər verir ki, bu barədə aif.ru-ya psixiatr-narkoloq Ruslan İsaev məlumat verib.
Onun sözlərinə görə, nəzəri cəhətdən elektron siqareti təkbaşına buraxmaq mümkündür:
“Bəzi insanlar sadəcə cihazı kənara qoyur və bir daha ona qayıtmır. Amma təəssüf ki, bu, daha çox istisnadır. Belə qərara əvvəlcədən yaxşı hazırlaşmaq lazımdır: bütün cihaz və mayeləri uzaqlaşdırmaq, istəyin gücləndiyi anlarda nə edəcəyinizi düşünmək, əlləri və beyni məşğul edəcək fəaliyyət tapmaq, nəfəs məşqləri və gəzinti ilə diqqəti yayındırmaq”, - deyə İsaev bildirib.
Mütəxəssis qeyd edib ki, nikotinsiz ilk günlər və həftələr xüsusilə çətin keçir: əsəbilik, yuxusuzluq, əhval-ruhiyyədə enmə müşahidə oluna bilər. Çox vaxt insanlar məhz bu dövrdə vərdişə yenidən qayıdırlar.
Aytəkin TOFİQQIZI
Daha ətraflı məlumat və yeniliklər üçün ain.az saytını izləyin.
