ABŞ-ın maliyyə naziri Skott Bessent Vladimir Putinin xüsusi nümayəndəsi Kirill Dmitriyevin sanksiyaların Rusiya iqtisadiyyatına heç bir zərər vurmadığı iddialarını şərh edərkən onu "Rusiya təbliğatçısı" adlandırıb. Amerikalı nazir iddia edib ki, bu dəfəki güclü sanksiyalar daha dağıdıcı olacaq və Rusiya iqtisadiyyatına ölümcül zərbə vuracaq. "Düşünürəm ki, Rusiya nəticələrini dərhal hiss edəcək. Sizə deyə bilərəm ki, biz artıq Hindistanın Rusiya neftini almağı tamamilə dayandırdığının şahidi olmuşuq. Çinin bir çox neft emalı zavodu bağlanıb", - deyə o bildirib.
Mətləb Salahov
