Meymunçiçəyi virusunun bütün alt növləri dövriyyədə qalmaqda davam edir.
Publika.az xəbər verir ki, bu barədə Ümumdünya Səhiyyə Təşkilatının (ÜST) son hesabatında bildirilib.
Xəbərdarlıq edilib ki, epidemiya qısa müddətdə nəzarət altına alınmazsa, virusun yayılması davam edə bilər.
Hazırda “clade 1b” variantı Afrikadan kənara yayılıb. İtaliya, Malayziya, Hollandiya, Portuqaliya, İspaniya və ABŞ-də son zamanlar səyahət etməmiş şəxslərdə “Mpox” virusunun “clade 1b” variantına yoluxma halları təsdiqlənib.
