Ayna saytından alınan məlumatlara görə, ain.az xəbər verir.
2005-ci ildə başlayan üzvlük danışıqları faktiki olaraq dayandırılıb
Avropa İttifaqı (Aİ) rəsmi saytında genişlənmə siyasəti ilə bağlı "Aktual vəziyyəti 2025" adlı hesabat dərc edib. AYNA.AZ xəbər verir ki, hesabatda Türkiyə xəritədə qırmızı rənglə işarələnmiş və "dayandırılmış" etiketli yeganə namizəd ölkə kimi göstərilir.
Sənəddə bildirilir ki, 2005-ci ildə başlayan üzvlük danışıqları "demokratiya, qanunun aliliyi, insan hüquqları və məhkəmə müstəqilliyi sahələrində ciddi geriləmələr" səbəbindən faktiki olaraq dayandırılıb. Brüssel açıq şəkildə bildirib ki, bu problemlər həll olunana qədər danışıqlarda yeni fəsillər "açıla bilməz".
Aİ həmçinin hesab edir ki, Türkiyədə "söz azadlığına məhdudiyyətlər və tənqidçilərin və akademik icmanın təqibi" davam edir ki, bu da "Avropa demokratiyası üçün qəbuledilməzdir".
Hesabatda məhkəmə sistemində islahatlar, korrupsiyaya qarşı mübarizənin gücləndirilməsi və qadınların, uşaqların, həmkarlar ittifaqlarının hüquqlarının qorunması tələb olunur.
Aİ qeyd edib ki, danışıqlar faktiki olaraq dondurulmasına baxmayaraq, "Türkiyəni ayrıca tərəfdaş kimi saxlayır".
Daha ətraflı məlumat və yeniliklər üçün ain.az saytını izləyin.
