Rusiyanın özəl hərbi şirkəti olan "Vaqner" PMC ilə əlaqəli İl-76 hərbi nəqliyyat təyyarəsi Venesuelaya eniş edib.
Musavat.com xəbər verir ki, məlumatı "Defense News" yayıb.
Nəşrin məlumatına görə, bu uçuş Moskvanın Latın Amerikasındakı hərbi mövcudluğunu genişləndirmək cəhdi kimi qiymətləndirilir. Təyyarənin gəlişi Venesuela prezidenti Maduronun Karib dənizində ABŞ-ın artan fəaliyyəti fonunda Rusiya, Çin və İrana hərbi dəstəyin artırılması üçün müraciət etməsindən sonra baş verir.
İl-76 "Vaqner" PMC muzdlularının fəaliyyət göstərdiyi bölgələrə dəfələrlə avadanlıq çatdırılması da daxil olmaqla, Rusiya hərbi strukturları ilə əlaqələri səbəbindən ABŞ, Kanada və Ukrayna sanksiyalarına məruz qalan "Aviacon Zitotrans" şirkəti tərəfindən idarə olunur.
Musavat.com
