İspaniya La Liqasının 11-ci turunda “Atletik Madrid” doğma meydanda “Sevilya”ya qalib gəlib.
QOL.az xəbər verir ki, qarşılaşma 3:0 hesabı ilə meydan sahiblərinin xeyrinə yekunlaşıb. Matçın ilk qolunu 64-cü dəqiqədə argentinalı hücumçu Xulian Alvares penalti ilə vurub. 77-ci dəqiqədə yarımmüdafiəçi Tyaqo Almada üstünlüyü artırıb, 90-cı dəqiqədə isə hücumçu Antuan Qrizmann hesabı 3:0-a çatdıraraq qələbəni rəsmiləşdirib.
Qeyd edək ki, “Sevilya” 13 xalla 11-ci sırada, “Atletiko” isə 22 xalla 4-cü pillədə qərarlaşıb. “Real Madrid” 27 xalla sıralamada liderliyini qoruyur.
