Premyer Liqa təmsilçisi “Kristal Pelas” qış transfer pəncərəsində müdafiə xəttini gücləndirmək niyyətindədir. Klub “Mançester Siti”nin hollandiyalı müdafiəçisi Natan Akeni icarəyə götürmək üçün danışıqlara başlayıb.
Fanat.Az xəbər verir ki, İngiltərə mətbuatının məlumatına görə, “Kristal Pelas” rəhbərliyi artıq “Siti” ilə ilkin əlaqə yaradıb və futbolçunun yarım mövsümlük icarəsi variantını müzakirə edir.
Ake bu mövsüm “Mançester Siti”də əsas heyətdə rotasiya əsasında çıxış edir, lakin mütəmadi oyun vaxtı tapa bilmir. “Kristal Pelas” isə təcrübəli müdafiəçinin komandaya sabitlik və liderlik qatacağına inanır.
Əgər tərəflər razılığa gələrsə, transfer qış pəncərəsinin ən diqqətçəkən Premyer Liqa keçidlərindən biri ola bilər.
