“Yuventus” klubu yarımmüdafiəçi Kənan Yıldızla müqaviləni uzatmaq istəyir, lakin maaş məsələsi danışıqları çətinləşdirir.
90deqiqe.Az “La Gazzetta dello Sport”a istinadən xəbər verir ki, Turin təmsilçisi türk futbolçuya mövsüm üçün 6 milyon avro təklif etməyə hazırdır, amma futbolçu özünü daha yüksək qiymətləndirir. Buna görə yeni müqavilə üzrə danışıqlar müvəqqəti dayandırılıb.
Hazırkı müqaviləyə əsasən futbolçu ildə 1,7 milyon avro qazanır.
2025/2026 mövsümündə Yıldız 18 oyun keçirib, 6 qol vurub və 6 məhsuldar ötürmə edib. Onun bazar qiyməti 75 milyon avro təşkil edir. Mövcud müqaviləsi 30 iyun 2029-cu ilə qədərdir və klub onu bir il də uzatmaq niyyətindədir.
