Azertag portalından verilən məlumata görə, ain.az xəbər yayır.
Bakı, 13 noyabr, AZƏRTAC
Bu, mənim Azərbaycana ilk gəlişimdir və hesab edirəm ki, burada olmaq antidopinq sistemini necə daha da təkmilləşdirə biləcəyimizlə bağlı vacib fikirləri bölüşmək üçün əla fürsətdir.
AZƏRTAC xəbər verir ki, bu sözləri idmançılar üzrə antidopinq ombudsmanı Anna Torstenson Azərbaycan Milli Antidopinq Agentliyinin (AMADA) təşkilatçılığı ilə “Konstitusiya və Suverenlik İli”nə həsr olunmuş “İdmanda hüquq və ədalət: Yeni antidopinq çərçivəsi” adı altında keçirilən beynəlxalq konfrans zamanı jurnalistlərə açıqlamasında deyib.
Onun sözlərinə görə, antidopinq məsələlərində idmançılara yardım göstərmək və dəstək olmaq onların hüquqlarının qorunması baxımından çox vacib vasitədir: “Məhz bunun üçün buradayam. Yəni dopinqlə bağlı problemi olan idmançılara yardım etməyə çalışan şəxsəm. Bildiyim odur ki, indiyədək yalnız iki azərbaycanlı idmançı ombudsmana müraciət edib. Gələcəkdə isə biz AMADA vasitəsilə ombudsmanın rolu barədə məlumatı daha geniş şəkildə paylaşa bilərik. Mən də bu idmançılara proseslərində yardım göstərməkdən məmnun olaram”.
Ən son xəbərləri və yenilikləri almaq üçün ain.az saytını izləyin.
