Ermənistanda daha bir “İmnemnimi” aparıcısı həbs edilib.
İnterpress.az xəbər verir ki, bu barədə yerli media məlumat yayıb.
Ermənistanda “İmnemnimi” podkastının daha bir aparıcısı, Narek Samsonyan iki ay müddətinə həbs olunub.
Məlumata görə, məhkəmə onun barəsində həbs qərarı çıxarıb. Samsonyan podkastın digər aparıcısı Vazgen Saqateliyanın həbsi ilə eyni maddə – “xuliqanlıq” işi üzrə məsuliyyətə cəlb olunur.
Onun hansı konkret epizod üzrə ittiham olunduğu açıqlanmayıb.
Qeyd edək ki, Narek Samsonyan və Vazgen Sağatelyan “İmnemnimi” podkastının aparıcılarıdır.
Bir neçə gün əvvəl onların qonağı Ermənistanın üçüncü prezidenti Serj Sarkisyan olub.
Xuraman Etibarlı
İnterpress.az
