Gürcüstan Ermənistanla Azərbaycan arasında sülh razılaşmasını alqışlayır.
APA-nın yerli bürosu xəbər verir ki, bunu Gürcüstan Prezidenti Mixeil Kavelaşvili Ermənistanın xarici işlər naziri Ararat Mirzoyanla keçirdiyi görüşdə deyib.
O, iki ölkənin yaxın gələcəkdə sülh sazişini imzalayacağına ümidvar olduğunu bildirib.
Kavelaşvilinin sözlərinə görə, saziş Cənubi Qafqazda pozitiv inkişaf dinamikasını və regionun cəlbediciliyini keyfiyyətcə yeni səviyyəyə yüksəldəcək.
Prezident qeyd edib ki, Gürcüstan Cənubi Qafqazda sülh və sabitliyin bərqərar olmasını dəstəkləyir və prosesə öz töhfəsini verməyə hazırdır.
