Yusif Mustafayev müğənni sosial şəbəkələrdə yazılan mənfi rəy və şərhləri də sərt tənqid edib.
"Yeni Sabah" xəbər verir ki, “Rəngarəng” verilişində Əməkdar artist xarakterindən söz açıb:
“Tez əsəbiləşən insanam, fikrimi toplamaqda çətinlik çəkirəm. Bəzən nəsə deyirəm, sonra peşman oluram. Məni rahat buraxın, qoyun Allahın verdiyi ömrü yaşayım. Axı heç kim bilmir, nə vaxt bu dünyadan köçəcəyini”.
Müğənni bildirib ki, özü barədə neqativ rəylərin arxasında çox vaxt məhz sənət icmasından olan şəxslər dayanır:
“Yazırlar ki, get nəvələrinlə məşğul ol, millətdən nə istəyirsən? Mən milləti sevirəm. Amma aramızda elələri var ki, başqalarını yönləndirib mənfi sözlər yazdırırlar. Mən nevrozam. Gəlin, üzümə deyin. Üzdə tərifləyib, sonra kənara çəkilib başqa sözləri yazdırırlar. İnsan ikili olmamalıdır”.
Telegram kanalımız
