Demokrat.az saytından verilən məlumata görə, ain.az xəbər verir.
“Azərbaycanda müəllimlərin dərs saatına əsaslanan əmək modelindən günlük iş rejiminə keçməsi müzakirə olunur. Bu dəyişiklik təhsil islahatlarının vacib istiqamətlərindən biridir. Yeni model müəllimin əməyini daha səmərəli təşkil etməyə yönəlib”.Bu fikirləri Demokrat.az-a açıqlamasında Milli Məclisin deputatı Ceyhun Məmmədov deyib.O bildirib ki, müəllim yalnız dərs saatına görə yox, bütün iş gününə görə qiymətləndiriləcək:“Hazırlıq, qiymətləndirmə, metodik iş və valideynlərlə ünsiyyət iş vaxtına daxil ediləcək. Bu əməyin daha ədalətli qiymətləndirilməsinə imkan verəcək. Günlük iş rejimi müəllimlərin maaşını sabit və daha yüksək edəcək. Bu, peşəyə marağı artıracaq və gənc müəllimlərin sistemə cəlb olunmasını asanlaşdıracaq. Müəllimlərin məktəbdə bütün gün olması metodik əməkdaşlığı gücləndirir. Şagirdlərlə fərdi məşğələlər üçün də imkan yaranır. Bu isə tədrisin keyfiyyətini yüksəldir. Məktəblərin infrastrukturu hazır olmalıdır. Müəllim otaqları, internet təminatı və iş guşələri təkmilləşdirilməlidir. Bütöv gün işləmək müəllimlərin şəxsi vaxtını məhdudlaşdıra bilər. Əlavə inzibati tapşırıqların yüklənməsi riskinə diqqət yetirilməlidir. Uzun illər saat hesablı rejimdə işləyən müəllimlərin adaptasiyası vacibdir. İslahat mərhələli və hazırlıqlı həyata keçirilməlidir. Uğurlu tətbiq təhsil keyfiyyətini yüksəldəcək. Müəllim peşəsinin nüfuzu artır. Hazırlıqsız tətbiq narazılıq yarada bilər”.Leyla Turan
Demokrat.az
Daha ətraflı məlumat və yeniliklər üçün ain.az saytını izləyin.
