ain.az, Azertag portalına istinadən məlumatı açıqlayır.
Bakı, 20 noyabr, AZƏRTAC
Elm və Təhsil Nazirliyinin akademik Əli Quliyev adına Aşqarlar Kimyası İnstitutunda Azərbaycan Milli Elmlər Akademiyasının (AMEA) 80 illik və Aşqarlar Kimyası İnstitutunun yaradılmasının 60 illik yubileyi ilə əlaqədar tədbir keçirilib.
Bu barədə AZƏRTAC-a institutdan bildirilib.
İnstitutun baş direktoru akademik Vaqif Fərzəliyev tədbiri açaraq, Azərbaycan Milli Elmlər Akademiyasının və Aşqarlar Kimyası İnstitutunun yaranma tarixi, inkişaf yolu haqqında geniş məlumat verib.
Akademik AMEA-nın 80 illik yubileyində Prezident İlham Əliyevin çıxışında vurğuladığı məsələləri də diqqətə çatdırıb: “Dövlətimizin başçısının toxunduğu əsas məsələlər, birincisi süni intellekt, ikincisi isə Azərbaycan dilinin inkişafı idi. Hər bir alim bu istiqamətdə çalışmalı və Azərbaycan elmini yüksəklərə qaldırmalıdır”.
Bundan başqa, akademik institut alimlərinin üzərinə düşən vəzifələrdən danışıb.
Tədbirdə “Azərbaycan Respublikası Elm və Təhsil Nazirliyi Aşqarlar Kimyası İnstitutu - 60” kitabının təqdimatı keçirilib.
Sonda Azərbaycan Milli Elmlər Akademiyasının yaradılmasının 80 illik və Aşqarlar Kimyası İnstitutunun 60 illik yubileyinə həsr olunmuş videoçarx nümayiş olunub.
Daha ətraflı məlumat və yeniliklər üçün ain.az saytını izləyin.
