ain.az, Demokrat.az saytına istinadən bildirir.
Abşeron rayonunda ər-arvad arasında yaşanan mübahisə cinayətlə nəticələnib. Demokrat.az-ın əldə etdiyi xəbərə görə, hadisə bu ilin iyunun 17-də rayonun Hökməli qəsəbəsində baş verib. Ağsu rayon sakini, 1975-ci il təvəllüdlü Əhməd həmin gün saat 15 radələrində yaşadığı evdə spirtli içki qəbul edib.Bu zaman qeyri-rəsmi ər-arvad münasibətində yaşadığı İnarə (adlar şərtidir – red.) ona spirtli içki qəbul etməsi barədə irad tutaraq belə etməməsini söyləyib. Əhməd bundan əsəbləşərək arvadına yaşadıqları evi onsuz da satacağını və bir daha onun üzünü görməyəcəyini bildirib.
Daha sonra isə yumruq zərbəsi ilə arvadını vurub. İnarə aldığı zərbənin təsirindən yerə yıxıldıqdan sonra yumruq və təpiklə onun bədəninin müxtəlif nahiyələrinə zərbələr yetirib. Hadisəni törədən Əhmədin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib. İş üzrə ifadə verən Əhməd ona elan olunmuş ittiham üzrə özünü təqsirli bilib. O, ifadəsində göstərib ki, ailə üzvləri ilə birlikdə Hökməli qəsəbəsi, Yeni məhəllə, nömrəsiz fərdi evdə yaşayır: “Zərərçəkmiş şəxs ilə qeyri-rəsmi ər-arvad münasibətində yaşayırıq. İyunun 17-də, saat 15 radələrində yaşadığım evdə spirtli içki qəbul edərkən, İnarə spirtli içki qəbul etməm barədə irad tutdu. Bundan əsəbləşdim, yaşadığımız evi onsuzda satacağımı və bir daha onun üzünü görməyəcəyimi bildirdim. Daha sonra isə yumruq zərbəsi ilə onu vurub. İnarə aldığı zərbənin təsirindən yerə yıxıldıqdan sonra yumruq və təpiklə onun bədəninin müxtəlif nahiyələrinə vurdum”. İş üzrə zərərçəkmiş İnarənin sözlərinə görə, Əhmədlə 2006-cı ildə ailə həyatı qurub, lakin nikahları olmayıb: “Bizim birgə münasibətimizdən 2008-ci il tarixdə bir övladımız dünyaya gəldi. 2024-cü il tarixdən Hökməli qəsəbəsi, Yeni yaşayış massivində ev alaraq orada yaşayırıq. İyunun 17-də, saat 15:00-da Hökməli qəsəbəsində yaşadığımız evdə olarkən Əhməd spirtli içki qəbul edərək, sərxoş halda anası ilə birlikdə evi satacağını, mənə mülkdən heç bir pay verməyəcəyini dedi. Bu səbəbdən aramızda mübahisə yarandı. Həmin vaxt əlimdəki kartof soyduğum mətbəx bıçağını aldı, sol qolumdan və qarın nahiyəmdən xəsarətlər yetirdi. Sonra məni yerə yıxdı. Daha sonra Elxan boğaz, sifət nahiyəmdən əl və yumruq zərbələri ilə vurdu”.Bu işə Abşeron Rayon Məhkəməsində baxılıb. Məhkəmədə məlum olub ki, təqsirləndirilən şəxs zərərçəkmişlə barışıq əldə edib. Bu səbəbdən işə baxan hakim onun barəsində olan cinayət təqibinə xitam verib. O, cinayət məsuliyyətindən azad edilib. Fariz Məlikli
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
