"Stardust" şirkəti Yer kürəsində temperaturu aşağı salmaq üçün Günəş işığını əks etdirə bilən mikrohissəcikləri sınaqdan keçirməyi planlaşdırır. İsraildən olan bu startapın texnologiyası, vulkan püskürmələrinin atmosferə buraxdığı hissəciklərin Günəş şüalarını kosmosa geri əks etdirməsi nəticəsində qlobal soyumaya səbəb olma mexanizminə bənzəyir.
Şirkət buludların üzərində xüsusi mikrohissəciklər yayaraq əks etdirici bir təbəqə yaratmağı hədəfləyir. Bu təbəqənin Günəş istiliyini bloklayaraq iqlim yükünü azaltması gözlənilir. Startap istifadə ediləcək hissəciklərin tərkibini açıqlamasa da, onların insan və ətraf mühit üçün təhlükəsiz olduğunu bildirir.
Ülkər XASPOLADOVA,
“Azərbaycan”
