BAKI, 24 noyabr. TELEQRAF
İsrailin Polşadakı səfiri Yakov Livneni bu ölkənin Xarici İşlər Nazirliyinə çağırılıb.
Teleqraf xəbər verir ki, məlumata görə, səfir XİN-ə "Yad Vaşem" institutunun "X"dəki paylaşımı ilə bağlı izahat vermək üçün çağırılıb.
Həmin paylaşımda qeyd olunub ki, Polşa yəhudilərin ətraf mühitdən təcrid olunması üçün onları fərqləndirici nişanlar taxan ilk ölkə olub.
Polşanın xarici işlər naziri Radoslav Sikorski "Yad Vaşem"in paylaşımın altından yazıb ki, söhbət Almaniya tərəfindən işğal olunmuş Polşadan gedir.
