AZ

Kiyevə kütləvi hava hücumu edilir, dağıntılar var

Kiyev, 25 noyabr, AZƏRTAC

Rusiya ordusu noyabrın 25-nə keçən gecədən başlayaraq Ukraynanın paytaxtı Kiyevə növbəti dəfə çoxkombinasiyalı hava hücumu həyata keçirir.

AZƏRTAC-ın xüsusi müxbirinin verdiyi məlumata görə, gecə saatlarında hava hücumundan müdafiə sistemi işə düşüb, partlayış səsləri eşidilir. Hava hücumu zamanı müxtəlif tipli, o cümlədən ballistik raketlərdən, zərbə dronlarından istifadə edilib.

Zərərsizləşdirilən dronlar və raketlər Kiyevin bəzi yaşayış binalarında yanğına səbəb olub.

Kiyev şəhər meri Vitali Kliçko “Teleqram” səhifəsində yazıb ki, hava hücumu nəticəsində ilkin məlumata görə, Peçersk, Dneprovsk, rayonlarının çoxmərtəbəli binalarında dağıntılar qeydə alınıb. Hazırda xəsarət alanların sayı dəqiqləşdirilir.

Ukrayna Energetika Nazirliyi açıqlama yayıb ki, hazırda enerji infrastrukturu obyektlərinə kütləvi kombinə edilmiş hücum davam edir. Energetiklər təhlükəsizlik vəziyyəti imkan verən kimi nəticələri qiymətləndirilməsinə və bərpa işlərinə başlayacaqlar.

Emil Hüseynli

AZƏRTAC-ın xüsusi müxbiri

Kiyev

Seçilən
71
1
azertag.az

10Mənbələr