BAKI, 25 noyabr. TELEQRAF
Peru hökuməti hazırda orada sığınan Meksikanın keçmiş baş naziri Betsi Çavesin saxlanılması üçün Limadakı Meksika səfirliyində reyd keçirməyə icazə verməyəcək.
Teleqraf xəbər verir ki, bu barədə Peru xarici işlər naziri Hüqo de Sela bildirib.
Peru Prezidenti Xose Xeri bundan əvvəl Meksikanın Limadakı səfirliyində gizlənən və qiyamın təşkilində ittiham olunan Betsi Çavesin saxlanılması üçün diplomatik nümayəndəlikdə əməliyyatın keçiriləcəyini istisna etməmişdi. Bundan sonra Nazirlər Şurasının sədri Ernesto Alvares mətbuat konfransında demişdi ki, dövlət başçısının sözləri “kontekstdən çıxarılıb”.
Peru noyabrın 3-də Betsi Çavesin Meksika səfirliyində gizləndiyi üçün bu ölkə ilə diplomatik münasibətlərin kəsildiyini açıqlayıb. Daha sonra Peru məhkəməsi Çaves haqqında beş ay həbs-qətimkan tədbiri seçib və onu beynəlxalq axtarışa verib.
2022-ci il dekabrın 7-də Perunun həmin vaxtkı prezidenti Pedro Kastilyo Konqresin buraxıldığı və komendant saatının tətbiq edildiyini elan edib. O, barəsində impiçment məsələsinin müzakirə ediləcəyi parlament iclası başlamazdan əvvəl xalqa müraciət edib. Deputatlar səsverməni ləğv etməyərək prezidentin səlahiyyətlərinə xitam verilməsini dəstəkləyiblər. Silahlı Qüvvələr və polis parlamentin qərarına dəstək verib.
Kastilyo qiyam təşkilində ittiham edilərək saxlanılıb. Həmin iş üzrə o zaman hökumət başçısı olan Çaves də ittiham olunanlar siyahısına daxil edilib.
