Kiyevə hava hücumu nəticəsində 2 nəfər həlak olub, 6 nəfər yaralanıb.
AZƏRTAC xəbər verir ki, bu barədə Fövqəladə Hallar üzrə Dövlət Xidmətinin məlumat yayıb.
Üçü uşaq olmaqla 18 nəfər xilas edilib. Dağıntıların olduğu yerlərdə təmizləmə işləri davam edir.
06:27
Noyabrın 25-nə keçən gecədən Rusiya ordusunun Kiyevə kütləvi hava hücumu nəticəsində azı 4 nəfər yaralanıb.
Bu barədə Ukrayna Fövqəladə Hallar üzrə Dövlət Xidməti məlumat yayıb.
Hava hücumu nəticəsində 9 nəfər xilas edilib. Yaşayış binaları və mülki infrastruktura ziyan dəyib.
“Peçerski rayonunda 22 mərtəbəli yaşayış binasının 4-cü və 5-ci mərtəbələri dağılıb. Xilasedicilər 5-ci mərtəbədəki yanğını söndürüblər. Bir nəfər xilas edilib. Dağıntılar təmizlənir”, - deyə məlumatda bildirilir.
Eyni zamanda Dneprovsk rayonunda doqquzmərtəbəli yaşayış binasında dağıntı qeydə alınıb. Binanın 6-cı və 7-ci mərtəbələrdə yanğınla nəticələnib. Ümumilikdə 8 nəfəri xilas etmək mümkün olub.
05:04
Rusiya ordusu noyabrın 25-nə keçən gecədən başlayaraq Ukraynanın paytaxtı Kiyevə növbəti dəfə çoxkombinasiyalı hava hücumu həyata keçirir.
Gecə saatlarında hava hücumundan müdafiə sistemi işə düşüb, partlayış səsləri eşidilir. Hava hücumu zamanı müxtəlif tipli, o cümlədən ballistik raketlərdən, zərbə dronlarından istifadə edilib.
Zərərsizləşdirilən dronlar və raketlər Kiyevin bəzi yaşayış binalarında yanğına səbəb olub.
Kiyev şəhər meri Vitali Kliçko “Teleqram” səhifəsində yazıb ki, hava hücumu nəticəsində ilkin məlumata görə, Peçersk, Dneprovsk, rayonlarının çoxmərtəbəli binalarında dağıntılar qeydə alınıb. Hazırda xəsarət alanların sayı dəqiqləşdirilir.
Ukrayna Energetika Nazirliyi açıqlama yayıb ki, hazırda enerji infrastrukturu obyektlərinə kütləvi kombinə edilmiş hücum davam edir. Energetiklər təhlükəsizlik vəziyyəti imkan verən kimi nəticələri qiymətləndirilməsinə və bərpa işlərinə başlayacaqlar.
Kiyev sakinləri təhlükəsizlik üçün hazırda metrolarda sığınacaq kimi istifadə edirlər. Kiyev şəhər Hərbi Administrasiyasının rəhbəri Timur Tkaçenko “Telegram” səhifəsində bildirib ki, hücum nəticəsində altı sakin yaralanıb. Onlardan ikisi xəstəxanaya yerləşdirilib. ibbi yardım üçün əlavə çağırışlar ola bilər.
