“Real”ın futbolçuları Vinisius Junior, Federiko Valverde və Cud Bellinqem baş məşqçi Xabi Alonsonun işindən narazıdır.
Publika.az xəbər verir ki, bu barədə "Cadena SER" məlumat yayıb.
Bildirilir ki, Vinisius Alonsonun komandada çalışdığı müddətdə Madrid klubu ilə yeni müqavilə imzalamaqdan imtina edir. Braziliyalı hücumçu hesab edir ki, məşqçi ona ədalətli yanaşmır. Valverde isə yarımmüdafiə xəttində oynamaq istəyir, lakin Alonso onu mərkəz yarımmüdafiəçisi kimi görmür sağ cinah müdafiəçisi mövqeyində oynatmağı üstün tutur.
Bellinqemə gəlincə, Alonsonun sistemində özünə uyğun rol tapa bilməyib. O, bəzən ustalığını göstərsə də, məşqçinin onun potensialından maksimum yararlana bildiyinə inanmır.
